जापानको मौसम विभागले यस सप्ताहन्तमा पश्चिमी टोकियो र वरपरका क्षेत्रहरूमा भारी हिमपात हुने चेतावनी दिएको छ। शनिवार दिउँसोदेखि आइतबार बिहानसम्म हिमपातको सम्भावना छ, जसले सडकहरू चिप्लो बनाउने भएकाले ट्राफिक प्रभावित हुन सक्छ।

विशेष गरी हाकोने (कानागावा), पश्चिमी टोकियो, र साइतामाको चिचिबु क्षेत्रमा १० सेमीसम्म हिउँ जम्ने अनुमान गरिएको छ। राजधानी टोकियोको मध्य भागमा पनि फेरि हिउँ पर्ने सम्भावना छ। तापक्रम –३ डिग्री भन्दा तल झर्ने अनुमान छ, त्यसैले चिसो अत्यधिक बढ्न सक्छ।